Arnés para bombo-pratos

Arnés deseñado para tocar o bombo con pratos. Evita que este non se descoloque, aportándolle ó musico unha maior facilidade e comodidade para tocar.

Grupos que utilizan ou utilizaron este arnés: Cantigas e Agarimos, Malveiras, Tequexetéldere, Xochilmica, etc.

Está feito con correas de nylon e coiro de 5 cm. e axustable con fibelas.

Se queredes tamén unha correa para o plato, aquí tendes unha mostra.

Carteira home

Cunhas de medidas de 10 x 8 cm., ten dous compartimentos para tarxetas, un para billetes e outro para moedas.

Neste modelo os cantos A e B van sen coser, a propia peza exterior voltea cara a dentro.

Neste modelo eses cantos van cosidos.

Carteiras feitas en coiro de cabalo de primeira calidade.

Funda de tarrañolas

Funda realizada para unhas tarrañolas de medidas 15cm. x 3,5cm.

Neste caso aplicamos unha técnica distinta á anterior funda que vos presentei. É un pouco mais laboriosa, xa que para darlle esa forma  utilizamos un molde no que metemos a peza de coiro previamente humedecida.

Está feita con pel de vaqueta en acabado natural e cosida á man.

Poden ir decoradas con algún troquel e personalizadas co nome. 

Tamén tendes a posibilidade encargala con outros acabados.

Funda de tarrañolas

Funda realizada para unhas tarrañolas de medidas 15cm. x 3,5cm.

O deseño está basado en algúns modelos de fundas para navallas, con cosido lateral e solapa tipo "cola de peixe" con broche.

Está feita con pel de vaqueta en acabado natural e cosida a man.

Funda de baquetas

Esta funda de baquetas está  especialmente deseñada para baquetas de tamboril.

Quedan moi ben axustadas e protexidas, xa que van separadas unha da outra.

Está feita con pel de vaqueta de cor negra e cosida á man.